“ავერსი ფარმამ” თბილისში ახალი ლოგისტიკური ცენტრი ააშენა. როგორც BM.GE-ის კომპანიაში განუცხადეს, ინვესტიცია დაახლოებით 11 მილიონი ლარია.
“ავერსი ფარმაში” აღნიშნავენ, რომ დ. კობახიძის N33-ში ლოგისტიკური ცენტრი საბაჟო სასაწყობე სივრცის გაფართოების მიზნით აშენდა.
“საბაჟო კონტროლირებადი ზონის სტატუსით გვაქვს ერთი ლოგისტიკური ცენტრი. მოცემული პროექტი ემსახურება არსებული საბაჟო სასაწყობე სივრცის გაფართოებას. დაემატა 3200 საპალეტე ადგილი. სრული სამშენებლო ფართი 4,543 კვადრატული მეტრია, ხოლო ინვესტიციის დაახლოებითი ღირებულება 11 000 000 ლარი”,- უთხრეს BM.GE-ის კომპანიაში.
პროექტის არქიტექტორულ და კონსტრუქციულ ნაწილზე Element Construction-მა იმუშავა.
