საქართველოს ეროვნული ბანკის ალკოჰოლური სასმელების სექტორის კვლევის მიხედვით, სექტორის საკრედიტო პორტფელი 1.2 მილიარდი ლარია. ეს პორტფელი მთლიანი ბიზნეს სექტორის პორტფელის 3,63%-ს შეადგენს.
2024 წლის 31 მარტის მდგომარეობით, პორტფელის 78% კორპორატიულ სექტორშია გაცემული, 14% მცირე და საშუალო ბიზნესზე, ხოლო 8% მიკრო ბიზნესზე.
სასესხო პორტფელის 50% ლარშია დენომინირებული, 28% ევროში და 22% დოლარში.
ამასთან, პორტფელის 55%-ით დაფინანსებულია ღვინის მიმართულება, 16% ლუდის, ხოლო 14% ბრენდი.
ალკოჰოლური სასმელების პორტფელის 31% დაფინანსებულია სახელმწიფოს სხვადასხვა პროგრამების ფარგლებში, საიდანაც 87% პროცენტის სუბსიდირებაზე მოდის.
რაც შეეხება საკრედიტო პორტფელის ხარისხობრივ მაჩვენებლებს, ალკოჰოლური სასმელების პორტფელის ECL (მოსალოდნელი ფინანსური ზარალი) 2022 წელს რუსეთ-უკრაინის ომის შემდეგ გაუარესდა და გადაასწრო ბიზნეს სექტორის საშუალო ECL კოეფიციენტს. 2024 წლის პირველი კვარტალის მდგომარეობით პორტფელის 82% პირველ საკრედიტო რისკის დონეს მიეკუთვნება, რაც შედარებით დაბალი მაჩვენებელია ბიზნეს სექტორის პირველი საკრედიტო რისკის დონესთან შედარებით, სადაც მისი წილი 91%-ს შეადგენს.
პორტფელი მაღალი კონცენტრაციით ხასიათდება, ტოპ-1 მსესხებელს პორტფელის 10% უკავია, ხოლო ტოპ-10 მსესხებელზე პორტფელის 38% მოდის;
ალკოჰოლური სასმელების სექტორის EBITDA, ROA და ROE კოეფიციენტები უცხოური კომპანიების კოეფიციენტების მსგავსია, თუმცა DEBT/EBITDA და Equity Ratio-ს მხრივ, შედარებით უკეთესი კოეფიციენტი ფიქსირდება.
