პრემიერ-მინისტრი კირ სტარმერი ახალი სანქციების შესახებ გადაწყვეტილებას დღეს, 9 მაისს, ოსლოში ერთობლივი საექსპედიციო ძალების (JEF) წარმომადგენლების სამიტზე გამოაცხადებს. მანამდე სტარმერმა განაცხადა, რომ ბრიტანეთი ყველაფერს გააკეთებს იმისთვის, რომ განადგურდეს პუტინის “ჩრდილოვანი” ფლოტი, რაც თავის მხრივ რუსეთს შეუმცირებს ნავთობიდან მიღებულ შემოსავლებს.
უკრაინაში ომის დაწყების შემდეგ დასავლეთმა რუსეთის ენერგოინდუსტრიაც დაასანქცირა: შეუმცირა იმპორტის შესაძლებლობა და ნავთობზე საფასო ჭერი დაუწესა. სანქციებისგან თავის არიდების მიზნით, კრემლმა შექმნა “ჩრდილოვანი ფლოტი”, რომელთა მფლობელები და მათ შორის ამ ფლოტის გადაადგილება ბუნდოვანი იყო. ბრიტანეთი აპირებს სანქცირებულ ტანკერებს საკუთარ პორტებში შესვლა აუკრძალოს, ხოლო ბრიტანეთის კონტროლირებად წყლებში შესვლის შემთხვევაში დააკავოს. გაერთიანებულმა სამეფომ უკვე დააწესა სანქციები რუსული ნავთობის გადამზიდავი რამდენიმე ათეული ტანკერის წინააღმდეგ.
