დღეს, 7 მაისს “თბილისი პარაგრაფის” შენობაში გამართულ ქართული ოცნების ყრილობაზე პარტიის თავმჯდომარედ ირაკლი კობახიძე აირჩიეს. სამადლობელი სიტყვის შემდეგ, მან ქართული ოცნების პოლიტიკური საბჭოს შემადგენლობა დაასახელა. კობახიძის თქმით, პარტიის პოლიტიკური საბჭო დაკომპლექტებულია 15 წევრისგან. მის შემადგენლობაში არიან: პარტიის საპატიო თავმჯდომარე ბიძინა ივანიშვილი, პარტიის თავმჯდომარე ირაკლი კობახიძე, პარტიის გენერალური მდივანი კახა კალაძე იქნება, პარლამენტის თავმჯდომარე შალვა პაპუაშვილი, პარტიის აღმასრულებელი მდივანი მამუკა მდინარაძე, პარლამენტის თავმჯდომარის პირველი მოადგილე გიორგი ვოლსკი, პარლამენტის თავმჯდომარის მოადგილე თეა წულუკიანი, ვიცე-პრემიერი, შს მინისტრი ვახტანგ გომელაური, საქართველოს თავდაცვის მინისტრ ირაკლი ჩიქოვანი, საქართველოს საგარეო საქმეთა მინისტრი მაკა ბოჭორიშვილი, პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე, ეკონომიკისა და მდგრადი განვითარების მინისტრის მოადგილე მარიამ ქვრივიშვილი, პარტიის რეგიონული მდივანი დიმიტრი სამხარაძე, პარტიის აჭარის ორგანიზაციის თავმჯდომარე სულხან თამაზაშვილი, პარტიის ქალთა ორგანიზაციის თავმჯდომარე ნინო წილოსანი.
ვახტანგ გომელაური, დიტო სამხარაძე, ნინო წილოსანი — პარტიის პოლიტსაბჭოს შემადგენლობა ცნობილია
