თბილისში დაკარგული ორი მოზარდი იპოვეს

თბილისში დაკარგული ორი მოზარდი იპოვეს. ამის შესახებ ინფორმაცია მოქალაქე თეო ბარბაქაძემ სოციალურ ქსელში დაწერა. “ჩემთან ერთად არიან დაკარგული ბავშვები და დამიკავშირდნენ მშობლები,” — წერს თეო ბარბაქაძე სოციალურ ქსელში. ბავშვების პოვნა ერთ-ერთი მათგანის ოჯახის ახლობელმაც დაუდასტურა რადიო თავისუფლებას. თბილისში, ჩუღურეთის რაიონში, ჩიქობავას ქუჩაზე, 31 სკოლის მიმდებარე ტერიტორიიდან ბავშვები გუშინ, 14 აპრილის დაახლოებით 14:00 საათის შემდეგ აღარ უნახავთ. მათ ძებნაში ჩართული იყო პოლიციაც.