“ქართული ოცნების” მთავრობის ადმინისტრაციის ცნობით, ირაკლი კობახიძემ ნიკოლ ფაშინიანი აეროპორტში გააცილა.
ადმინისტრაცია წერს, რომ სომხეთის რესპუბლიკის პრემიერ-მინისტრი, სამთავრობო დელეგაციასთან ერთად, თბილისს საქართველო-სომხეთის ეროვნული საფეხბურთო ნაკრებების მატჩზე დასასწრებად ეწვია, რომელიც „დინამო არენაზე“ გაიმართა და საქართველოს ნაკრების გამარჯვებით დასრულდა.
შეგახსენებთ, საქართველოს ეროვნულმა ნაკრებმა B დივიზიონში ადგილი შეინარჩუნა და სომხეთი ორივე შეხვედრაში დამაჯერებლად დაამარცხა. “ჯვაროსნებმა” უეფას ერთა ლიგის B დივიზიონში სომხეთთან ორ მატჩიან დუელში, ორივე შეხვედრა გამარჯვებით დაასრულა. “დინამოზე” გამართული თამაში 6-1 საქართველოს გამარჯვებით დასრულდა.
