ღონისძიება ისრაელის სახელმწიფოს 77-ე წლისთავთან და საქართველო-ისრაელის ურთიერთობების 35 წლის იუბილესთან დაკავშირებით გაიმართა. ისრაელური დელეგაცია 400-ზე მეტი ადამიანით იყო წარმოდგენილი. ღონისძიების მასპინძელი „ისრაელის სახლის“ ხელმძღვანელი იციკ მოშე იყო, რომლის მხარდამჭერიც და პარტნიორი სამშენებლო ჰოლდინგი European Village-ია.
შეხვედრა სასტუმრო „ბელაჯიოში“ გაიმართა და მას აჭარის უმაღლესი საბჭოს თავმჯდომარე დავით გაბაიძე ესწრებოდა.
როგორც საქართველო-ისრაელის ბიზნეს პალატის ხელმძღვანელმა იციკ მოშემ აღნიშნა, ორგანიზაცია ქვეყნებს შორის ტურიზმის განვითარებისა და საქმიანი და კულტურული ურთიერთობების განვითარებაზე მუშაობას გააგრძელებს.
ისრაელელი ქალები საქართველოს კულტურას გაეცნენ, რომელიც ებრაელების მიმართ ყველაზე მეგობრულია და ისრაელელი ტურისტების დასვენების მიზნებისთვის ქვეყნის ტურისტული უპირატესობები შეაფასეს. შემთხვევითი არ არის, რომ 2024 წელს საქართველოს ისრაელიდან 310 982 სტუმარი ეწვია, რაც წლიურად 43.4%-ით გაზრდილი მაჩვენებელია. ეს ქვეყანაში უცხოელ ტურისტებს შორის ყველაზე დიდი ზრდაა.
2025 წლის პირველ კვარტალში კი ისრაელიდან ტურისტების რაოდენობა 73.7%-ით გაიზარდა. ისრაელური ტუროპერატორის Gulliver-ის ინფორმაციით, 2025 წლის პასექის დღესასწაულზე ისრაელელი ოჯახების უმრავლესობამ ახლო მანძილზე დასასვენებლად არჩევანი სწორედ ბათუმზე შეაჩერეს. გარდა ამისა, პასექზე მსოფლიოს 10 საუკეთესო ქალაქს შორის თბილისიც მოხვდა.
“ისრაელის მოქალაქეების – ეს ყველაზე სწრაფად მზარდი მიმართულებაა, როგორც საქართველოს ტურიზმში, ისე ბიზნესში. საქართველოში დახარჯული ფულის მოცულობით, ისრაელი თანდათან მოწინავე პოზიციებზე გადადის. ჩვენს ქვეყანაში უცხოურ ინვესტორებს შორის ისრაელური კაპიტალი ასევე ლიდერობს. ისრაელელები გამჭრიახი ტურისტები და ინვესტორები არიან, რომლებიც მსოფლიო დონის მომსახურებას და მაღალი კლასის უძრავ ქონებას წამყვანი საერთაშორისო ბრენდებისგან ეძებენ. ჩვენს მომხმარებელსა და პარტნიორებს შორის ისრაელის მოქალაქეების რაოდენობა სწრაფად იზრდება“, – აცხადებენ European Village-ში.
ბათუმში გამართული ღონისძიება ერთჯერადი არ არის. ორგანიზატორები ისრაელიდან საქართველოში ტურისტებისა და ინვესტორების მოსაზიდად მუდმივი თანამშრომლობის შესახებ აცხადებენ.
