ისრაელში საქართველოს საელჩო განცხადებას ავრცელებს

საქართველოს საელჩო ისრაელში ქვეყანაში არსებული ვითარების შესახებ განცხადებას ავრცელებს და საქართველოს მოქალაქეებს მიმართავს. მათი ცნობით, საელჩოს მიმდებარედ ჭურვი ჩამოვარდა, შედეგად საელჩოს შენობა არ დაზიანებულა და დიპლომატიური უწყება მუშაობას აგრძელებს.

“ისრაელის სახელმწიფოში საქართველოს საელჩო, ქვეყანაში არსებული უსაფრთხოების გარემოს გათვალისწინებით, განსაკუთრებულ რეჟიმში განაგრძობს მუშაობას.

დღეს, იმ შენობის მიმდებარე ტერიტორიაზე, სადაც საქართველოს საელჩო მდებარეობს, ჩამოვარდა ჭურვი. ინციდენტის შედეგად საქართველოს საელჩოს შენობა არ დაზიანებულა.

დიპლომატიური წარმომადგენლობა მიჰყვება შესაბამისი სამსახურების მიერ დადგენილ უსაფრთხოების ინსტრუქციებს და განაგრძობს მუშაობას.

მოვუწოდებთ საქართველოს მოქალაქეებს, დაიცვან ადგილობრივი ხელისუფლების ინსტრუქციები. განახლებული ინფორმაციის მისაღებად, თვალყური ადევნეთ საელჩოს გვერდებს: https://israel.mfa.gov.ge/ https://www.facebook.com/GeorgiainIsrael?locale=ka_GE

საჭიროების შემთხვევაში, დაგვიკავშირდით ისრაელის სახელმწიფოში საქართველოს საელჩოს ნომრებზე: +972 526 919092; ცხელი ხაზი 24/7+972 3 609 3206″, – ნათქვამია საელჩოს განცხადებაში.