სულხან თამაზაშვილი არის ძალიან გამოცდილი კადრი და დარწმუნებული ვარ, რომ აჭარის ავტონომიური რესპუბლიკის მთავრობის თავმჯდომარის პოზიციაზე ის იქნება ძალიან წარმატებული და ეფექტიანი, – ამის შესახებ ირაკლი კობახიძემ ჟურნალისტებს ქუთაისში განუცხადა.

მისივე თქმით, სულხან თამაზაშვილმა ყველა საქმეში გამოავლინა, რომ არის ძალიან წარმატებული მენეჯერი, პროფესიონალი და კეთილსინდისიერი ადამიანი.

„მას ძირითადად ჰქონდა გამოცდილება სამართალდამცავ სტრუქტურებში, შსს-ში და იყო ძალიან წარმატებული ამ პოზიციებზე, მათ შორის, ბოლოს იყო ქალაქ თბილისის პოლიციის სამმართველოს უფროსი, რაც ძალიან დიდი პასუხისმგებლობაა და მოითხოვს ძალიან მნიშვნელოვან უნარებს. მან ყველა საქმეში გამოავლინა ის, რომ არის ძალიან წარმატებული მენეჯერი, პროფესიონალი და კეთილსინდისიერი ადამიანი, შესაბამისად, დარწმუნებული ვარ, რომ ის საუკეთესოდ გაუძღვება იმ საქმეს, რასაც ჰქვია აჭარის ავტონომიური რესპუბლიკის მთავრობის თავმჯდომარეობა,“ – განაცხადა ირაკლი კობახიძემ.

ცნობისთვის, “ქართული ოცნების” პრეზიდენტმა მიხეილ ყაველაშვილმა აჭარის უმაღლესი საბჭოს თავმჯდომარის პოსტზე საბჭოს წევრებს სულხან თამაზაშვილის კანდიდატურა გუშინ წარუდგინა. მან თორნიკე რიჟვაძე უნდა ჩაანაცვლოს, რომელმაც თანამდებობის დატოვების შესახებ გუშინ განაცხადა.

რა ქონებას ფლობს სულხან თამაზაშვილი, რომელიც აჭარის მთავრობის მეთაურად წარადგინეს