განკარგულების თანახმად, საქართველოს განათლების სამინისტროს დაევალა „ზოგადსაგანმანათლებლო სკოლების დაფინანსების” ფარგლებში გამოყოფილი ასიგნებებიდან ₾43 მილიონზე მეტი მიმართოს, საქართველოს საპატრიარქოს მიერ დაფუძნებული დაწესებულებების ფინანსური დახმარებისთვის.
განკარგულებას თან ახლავს დანართი, სადაც ჯამში 53 დაწესებულებაა მითითებული. დაწესებულებებს შორის არის:
- საპატრიარქოს განათლებისა და კულტურული ღონისძიებების განვითარების ფონდი – 25.19 მილიონი ლარი;
- თბილისის სასულიერო აკადემია და სემინარია – 500 000 ლარი
- წმინდა ექვთიმე და გიორგი მთაწმინდელების სახელობის მართლმადიდებლური ზოგადსაგანმანათლებლო საშუალო სკოლა – 450 000 ლარი
- წმინდა ილია მართლის სახელობის თბილისის სკოლა – 370 000 ლარი
- საპატრიარქოს საქველმოქმედო ფონდი ლაზარე – 220 000 ლარი.
“საქართველოს განათლების, მეცნიერების და ახალგაზრდობის სამინისტროს დაევალა, „ საქართველოს 2025 წლის სახელმწიფო ბიუჯეტის შესახებ საქართველოს კანონით პროგრამით – „ზოგადსაგანმანათლებლო სკოლების დაფინანსების ფარგლებში გამოყოფილი ასიგნებებიდან 43,035,000.00 ( ორმოცდასამი მილიონ ოცდათხუთმეტი ათასი) ლარი მიმართოს ამ განკარგულების დანართით განსაზღვრული დაწესებულებების ფინანსური დახმარების უზრუნველსაყოფის მიზნით, შესაბამის საბანკო ანგარიშებზე გადარიცხვის გზით”, – წერია განკარგულებაში.
