„სენატორი დეინსი დღეს, საქართველოს პრემიერ-მინისტრთან აშშ-საქართველოს ურთიერთობების გაძლიერების განსახილველად შეხვედრის შესაძლებლობას მიესალმება. სენატორმა დაადასტურა საქართველოს გადამწყვეტი როლი მშვიდობისა და კეთილდღეობის ხელშეწყობაში კავკასიაში და მის ფარგლებს გარეთ და მან მტკიცედ მოუწოდა საქართველოს, მჭიდროდ იმუშაოს პრეზიდენტ ტრამპთან და მის ადმინისტრაციასთან საერთო ეკონომიკური და უსაფრთხოების ინტერესების განვითარებისთვის”, – წერს სენატორი.
Senator Daines today welcomed the opportunity to meet with Georgian Prime Minister @PM_Kobakhidze to discuss strengthening U.S.-Georgia relations. The Senator affirmed Georgia’s crucial role in promoting peace and prosperity in the Caucasus and beyond, and he strongly encouraged… pic.twitter.com/uM0PKxmjlc
— Steve Daines (@SteveDaines) May 30, 2025
შეხვედრის შესახებ მთავრობის ადმინისტრაციის მიერ გავრცელებული ინფორმაციით, საუბარი შეეხო აშშ-საქართველოს ურთიერთობებს, საქართველოს როლს რეგიონში, ასევე ქვეყანაში არსებულ პოლიტიკურ ვითარებას.
“პრემიერ-მინისტრმა კიდევ ერთხელ დაადასტურა საქართველოს მთავრობის მზადყოფნა ამერიკის შეერთებულ შტატებთან ურთიერთობების გადატვირთვისა და სტრატეგიული პარტნიორობის განახლებისთვის, რომელიც კონკრეტულ გზამკვლევს დაეფუძნება და ხელშესახებ შედეგებს მოუტანს ორივე ქვეყანას. ხაზი გაესვა საქართველოს მნიშვნელოვან როლს რეგიონში მშვიდობისა და სტაბილურობის უზრუნველყოფაში, ასევე ქვეყნის სატრანზიტო პოტენციალს.
ირაკლი კობახიძემ აღნიშნა, რომ საქართველო პარტნიორებს სთავაზობს მნიშვნელოვან შესაძლებლობებს, მრავალმილიონიან ბაზრებზე წვდომის კუთხით.
შეხვედრისას ასევე ყურადღება დაეთმო მიმდინარე პოლიტიკურ პროცესებს. მთავრობის მეთაურმა აღნიშნა, რომ ქვეყანაში უზრუნველყოფილია პოლიტიკური სტაბილურობა და საქართველოს ხელისუფლება ამის გარანტია”, – ნათქვამია გავრცელებულ ინფორმაციაში.
