“ნებისმიერ აგრესიას ვუპასუხებთ”, – ამის შესახებ ირანის უზენაესი ლიდერი, აიათოლა ალი ხამენეი აცხადებს.
ირანის უზენაესმა ლიდერმა, აიათოლა ალი ხამენეიმ კატარში მდებარე აშშ-ის ავიაბაზაზე ირანის იერიშის შემდეგ პირველი განცხადება გაავრცელა.
ხამენეიმ განაცხადა, რომ ირანი არ იყო ის მხარე, რომელმაც ეს კონფლიქტი დაიწყო და არცერთ შემთხვევაში არ შეეგუება რომელიმე მხარის მიერ მის მიზანში ამოღებას.
„ჩვენ ზიანი არავისთვის მიგვიყენებია, აგრესიას არავისგან მივიღებთ და არც არავის აგრესიას დავემორჩილებით. ეს ირანელი ერის ლოგიკაა“, – განაცხადა აიათოლა ალი ხამენეიმ.
