ერთპარტიულ პარლამენტში კანდიდატურას დეპუტატებმა განხილვის გარეშე უყარეს კენჭი და 89 ხმით, ერთხმად დაამტკიცეს.
არჩილ კოჭლამაზაშვილი ამჟამად თბილისის საქალაქო სასამართლოს სამოქალაქო საქმეთა კოლეგიის მოსამართლეა.
უზენაეს სასამართლოში ერთ-ერთი მოსამართლის ადგილი ვაკანტური 2025 წლის 30 დეკემბრიდან ხდება, შესაბამისად, კოჭლამაზაშვილი აღნიშნულ პოზიციას სწორედ ამ დროიდან დაიკავებს.
კოჭლამაზაშვილი 2020 წლის პირველი დეკემბრიდან გამწესდა თბილისის საქალაქო სასამართლოს სამოქალაქო საქმეთა კოლეგიის მოსამართლის თანამდებობაზე 3 წლის ვადით.
2020 წლის მარტიდან დეკემბრამდე მუშაობდა საქართველოს იუსტიციის უმაღლესი საბჭოს მოსამართლის საქმიანობის შეფასების მართვის დეპარტამენტში, კონსულტანტად.
2020 წლის იანვრიდან მარტამდე მუშაობდა შპს „სამშენებლო კომპანია თბილისის ვექტორის“ იურისტად.
2017-2019 წლებში მუშაობდა საქართველოს იუსტიციის უმაღლესი საბჭოს მოსამართლის საქმიანობის შეფასების მართვის დეპარტამენტში, კონსულტანტად.
