ევროსაბჭოს ბოლო ყოველწლიური ანგარიშის მიხედვით, რომელიც 2022 წლის იანვრიდან 2023 წლის 31 იანვრამდე პერიოდს მოიცავს საქართველოში ექვს თვეზე ნაკლებ სასჯელს პატიმართა 1%-ზე ნაკლები იხდის. ევროპული საშუალო მაჩვენებელი ამ მხრივ 8.3%-ს შეადგენს.
იმ დროისთვის, საქართველოში თავისუფლების აღკვეთის საშუალო ვადა 13.5 თვეს შეადგენდა, რაც მაღალია ევროპულ მაჩვენებელზე.
საქართველოში პატიმრების საშუალო ასაკი – 44 წელი იყო, საშუალო ევროპული ზღვარი კი – 38 წელია.
ანგარიშის თანახმად, ციხეებში პატიმრების მაღალი მაჩვენებელი აქვთ ქვეყნებს, რომლებსაც უფრო მკაცრი სასჯელი აქვთ გათვალისწინებული – სავალდებულო მინიმალური სასჯელი, გრძელვადიანი სასჯელები გარკვეული დანაშაულებებისთვის, ან პატიმრობის ნაკლები ალტერნატივები. სისტემებში, სადაც მოსამართლეებს მეტი მოქნილობა აქვთ სასჯელის გამოტანისას, მათ შესაძლოა უფრო ხშირად ისეთი ვარიანტები აირჩიონ, როგორიცაა პრობაცია ან საზოგადოებრივი შრომა პატიმრობის სასჯელის ნაცვლად.
ევროპის საბჭო წერს, რომ პატიმართა მაღალი რაოდენობასთან ერთად ისიცაა აღსანიშნავი, რომ საქართველოში ექვს თვეზე ნაკლებ სასჯელს პატიმართა 1%-ზე ნაკლები იხდის. ევროკავშირის ქვეყნებში თავისუფლების აღკვეთის საშუალო ხანგრძლივობა დაახლოებით 11.8 თვეა, მედიანური კი 10.1 თვე. საქართველოში თავისუფლების აღკვეთის საშუალო ვადა 13.5 თვეს შეადგენს.
საქართველოში პატიმრების საშუალო ასაკი ყველაზე მაღალია – 44 წელი საშუალო ევროპულ 38 წელთან შედარებით.
უნდა აღინიშნოს ისიც, რომ ევროპის საბჭოს მონაცემებით, საქართველოში ქალი პატიმრების რაოდენობა 3.3%-ია, რაც საშუალო ევროპულ მაჩვენებელზე (5.2%) დაბალია.
ახალი ანგარიში, სადაც 2024 წლის მდგომარეობა იქნება ასახული ივლისში უნდა გამოქვეყნდეს.
ცნობისთვის, ყველაზე ბოლო ოფიციალური მონაცემით, , “ქართული ოცნების” მიერ არჩეული პრეზიდენტის, მიხეილ ყაველაშვილის მიერ, 613 პატიმრის შეწყალების შემდეგ, პენიტენციურ დაწესებულებაში 8 500-მდე პატიმარია, რაც არ ცვლის სურათს და საქართველო კვლავ მეორე ადგილზე რჩება პატიმრების ოდენობით.
სახელმწიფოს ერთი პატიმრის შენახვა წლიურად 21 604 ლარი უჯდება. ამის შესახებ სისხლის სამართლის კოდექსში ცვლილებების განმარტებით ბარათში წერია.
