აშშ-უკრაინის მინერალების შეთანხმება, რომელიც ომის დასრულების წინაპირობას წარმოადგენს, კვლავ გაურკვევლობაშია. მოლაპარაკების პროცესი, რომელიც თავდაპირველად უკრაინის ეკონომიკის გაძლიერებას და ქვეყნის რეკონსტრუქციას ისახავდა მიზნად, ახლა მწვავე დაპირისპირების საგანია.
როგორც ირკვევა, პრეზიდენტი დონალდ ტრამპი უკრაინისგან ითხოვს კრიტიკული მინერალების, ნავთობისა და გაზის რესურსების 50%-ის გადაცემას, რაც, მისი თქმით, აშშ-ის მიერ ომის პერიოდში გაწეული დახმარების კომპენსაციას წარმოადგენს.
ამასთან, აშშ-ის მოთხოვნაა, რომ უკრაინამ აშშ-ის საერთაშორისო განვითარების საფინანსო კორპორაციას (DFC) გადასცეს კონტროლი რუსული გაზის ევროპაში გამტარ მთავარ მილსადენზე, რომელიც უკრაინის ტერიტორიაზე გადის.
პრეზიდენტი ვოლოდიმირ ზელენსკი ამ მოთხოვნებს “კოლონიურ შანტაჟად” აფასებს და თანაბარ, 50-50%-იან განაწილებას ითხოვს, თანაც უსაფრთხოების გარანტიების სანაცვლოდ.
მართალია, მოლაპარაკებები ვაშინგტონში აქტიურად გრძელდება, თუმცა შეთანხმება ჯერ არაფერზე არ არის მიღწეული, რაც აჩენს ეჭვს, რომ ომი კიდევ დიდი ხანი ვერ დასრულდება.
