„ის გახლავთ პარლამენტის მოქმედი წევრი. ის არის ერთ-ერთი ყველაზე წარმატებული ადვოკატი, ყველაზე წარმატებული იურისტი საქართველოში. მას იურიდიული განათლება მიღებული აქვს საქართველოში, ამერიკის შეერთებულ შტატებში. მინდა, წარმატება ვუსურვო მას“, – განაცხადა ირაკლი კობახიძემ.
ტელეკომპანია “რუსთავი 2-ის” ყოფილი გენერალური დირექტორი, მეათე მოწვევის პარლამენტის დეპუტატი და “ქართული ოცნების” სიის 96-ე ნომერია.
გამომდინარე იქიდან, რომ ანტიკორუფციულ სამსახურს დეკლარაციებზე წვდომა გასული წლის ნოემბრის ბოლოდან შეზღუდული აქვს და მიზეზად ტექნიკურ ხარვეზს ასახელებს და ამასთან bm.ge-ის არა ერთი მიმართვის მიუხედავად არ გვაძლევენ და სალია 2024 წლის შემოდგომამდე საჯარო სამსახურში პოსტს არ იკავებდა, შეგვიძლია, სალიას ქონებრივ მდგომარეობაზე მხოლოდ სამეწარმეო რეესტრის მიხედვით დავწეროთ.
რა კომპანიებს ფლობს პაატა სალია?
- არის 2005 წელს რეგისტრირებული საადვოკატო ბიუროს სპს გაბუნია და პარტნიორების თანადამფუძნებელი დიმიტრი გაბუნიას და ფრიდონ მჭედლიძესთან ერთად.
- შპს მანგანუმის მოპოვების კომპანიაში 10% წილს ფლობს. დანარჩენი კი ასე ნაწილდება, გრიგოლ ბერაძე – 70%, ჯონი ჯღარკავა – 20%;
- სალია ფლობს კომპანია შპს ჯორჯიან კოსმეტიკის 5%-ს, სადაც დანარჩენი წილის მფლობელი რუსეთი, საქართველოს მოქალაქე შოთა ჭოჭუაა;
- შპს ბათუმი ტერმინალ ჰოლდინგ კომპანია – აქ წილის 100%-ს პაატა სალია ფლობს;
- შპს ჯი ეს ეი კონსალტინგი – სალიას წილის 33.3% ეკუთვნის, დეპუტატი სალიაა წილის მმართველი დიმიტრი გაბუნიას 33.3%-ის შემთხვევაში. მესამე მფლობელი თამარ ჩხეიძეა;
- შპს ჰოუმ-დორ თბ – აქ სალიას წილის 15% ეკუთვნის, 85% კი ირმა ფანჯიკიძის საკუთრებაა;
- 2019 წელს სალიამ მეუღლესთან ქეთევან ჯელაძესთან ერთად შპს სალია, ჯელაძე, ანდრიაშვილი კონსალტინგი დააფუძნა სადაც, 50-50% ეკუთვნით მას და მის მეუღლეს;
- სს თბილღვინო – სამეთვალყურეო საბჭოს თავმჯდომარის მოადგილე/წევრია ომარ მარგველაშვილსა და ზურაბ ნიკვაშვილთან ერთად.
ადვოკატ სალიას ბიოგრაფია პარლამენტარობამდე ასეთია:
დამთავრებული აქვს სამართალმცოდნეობის ფაკულტეტი, თუმცა სად მიიღო განათლება, პარლამენტის ვებგვერდზე მითითებული არ არის.
- დასაქმებული იყო 2001-2005წწ. – შპს “თბილისის საარბიტრაჟო პალატში” დრექტორის მოადგილის თანამდებობაზე;
- 2005-2019წწ. – სპს “გაბუნია და პარტნიორები”;
- 2019-2024წწ. – შპს “სამაუწყებლო კომპანია რუსთავი 2”, გენერალური დირექტორი.
