რუსეთის ცენტრალური ბანკის მფლობელობაში არსებული აქტივების საერთო მოცულობა 650 მილიარდ დოლარს შეადგენს, რაც, ოფიციალური უწყების ინფორმაციით, ერთ თვეში $8.5 მილიარდით გაზრდილი მაჩვენებელია.
როგორც მარეგულირებელი განმარტავს, ზრდის განმაპირობებელი ძირითადი მიზეზი საერთაშორისო ბირჟაზე ოქროს გაძვირებაა, რომელსაც რუსულ რეზერვში მნიშვნელოვანი ადგილი უჭირავს, კერძოდ, საუბარია $230 მილიარდის ოქროზე და მის ციფრულ სერტიფიკატებზე.
სავალუტო რეზერვის მოცულობას რაც შეეხება, ის დაახლოებით 418 მილიარდ დოლარს შეადგენს, აქედან $390 მილიარდი კი უცხოურ ვალუტაზე მოდის.
უნდა აღინიშნოს, რომ ზემოხსენებული $650 მილიარდიდან პორტფელის თითქმის ნახევარი დასავლურ იურისდიქციაშია გაყინული და ცენტრალურ ბანკს მასთან წვდომა არ აქვს, თუმცა ის ფინანსურ ანგარიშგებაში მაინც აღირიცხება და რუსეთის მთავრობის ბალანსზე რჩება.
