2024 წელს ლუდისა და უალკოჰოლო სასმელების მწარმოებელი ოთხი ძირითადი კომპანიის ჯამურმა შემოსავალმა, დღგ-ის და აქციზის გადასახადის გარეშე ₾458 მილიონი ლარი შეადგინა, – ამის შესახებ TBC Capital-ის სექტორული კვლევის პუბლიკაციაშია საუბარი.
კვლევის თანახმად, ბაზრის ლიდერად კომპანია “ლომისი” რჩება, რომლის შემოსავალმაც ოთხივე კომპანიის ჯამური რეალიზაციის 47% შეადგინა. ეს კომპანიებია:
- “ლომისი” – ₾216 მლნ ლარი
- Georgian Beer Company – ₾114 მლნ ლარი
- Global Beer Georia – ₾86 მლნ ლარი
- “არგო” – ₾42 მლნ ლარი
ამასთან, TBC Capital-ის ცნობით, 2023 წელს ბაზრის ოთხი უმსხვილესი მოთამაშის შეწონილი საშუალო საერთო მოგების მარჟა იგივე, 38%-იან ნიშნულზე შენარჩუნდა, კომპანიების მიხედვით კი ასე გადანაწილდა:
- “არგო” – 51%
- “ლომისი” – 39%
- Georgian Beer Company – 37%
- Global Beer Georgia – 33%
ცნობისთვის, 2024 წელს საქართველოში 138 მილიონი ლიტრი ლუდი მოიხმარეს, საიდანაც 87% სწორედ ადგილობრივ წარმოებაზე მოდიოდა, 13% კი – იმპორტულზე.
კომპანია “ლომისი” “ნატახტარის” ბრენდის ლუდს ასხამს, Georgian Beer Company – “ზედაზენს”, Global Beer Georgia “აისის” და “ყაზბეგის” ლუდს, “არგო” კი – “არგოსა” და ლიმონათ “ზანდუკელს”.
