ბეჭდური პროდუქციის შექმნისას, იქნება ეს წიგნი, ჟურნალი თუ კატალოგი, უმნიშვნელოვანესია სანდო და გამოცდილი პარტნიორის შერჩევა. სტამბა “სეზანი” უკვე 30 წელზე მეტია, რაც ბეჭდვის სფეროში მოღვაწეობს და საქართველოს ბაზარს უმაღლესი ხარისხის პოლიგრაფიულ მომსახურებას სთავაზობს. მთავარი პრიორიტეტი თითოეული პროექტისადმი ინდივიდუალური მიდგომაა, რაც განაპირობებს პროცესის თითოეულ ეტაპზე კლიენტების ინფორმირებულობასა და კმაყოფილებაზე მაქსიმალურ ფოკუსს.
რატომ უნდა აირჩიოთ “სეზანი”? უპირველეს ყოვლისა, მრავალწლიანი გამოცდილების გამო. სამი ათეული წლის განმავლობაში დაგროვილი ცოდნა და ტექნოლოგიური განვითარება კომპანიას საშუალებას აძლევს, ნებისმიერი სირთულის პროექტის შესრულება აიღოს თავის თავზე. ამასთან, “სეზანი” მომხმარებელს საქართველოს ბაზარზე ერთ-ერთ ყველაზე მრავალფეროვან არჩევანს სთავაზობს, როცა საქმე ნედლეულის არჩევას და ბეჭდვის ფორმატებს ეხება. აქ შესაძლებელია თითქმის ნებისმიერი სახეობის ქაღალდის, გვერდების რაოდენობისა და ყდის ტიპის პროდუქციის დამზადება. იქნება ეს მცირე ტირაჟიანი ექსკლუზიური გამოცემა თუ მასშტაბური პროექტი, თითოეულ შეკვეთას ინდივიდუალურად უდგებიან და ცდილობენ, მაქსიმალურად დააკმაყოფილონ კლიენტის მოთხოვნები და მოლოდინები. სტამბა “სეზანი” ნებისმიერ იდეას, ყველაზე გაბედულსა და ორიგინალურსაც კი, რეალობად აქცევს.
ბეჭდვის პროცესი რამდენიმე საგულდაგულოდ დაგეგმილ ეტაპად იყოფა, რაც უზრუნველყოფს საბოლოო პროდუქტის კლიენტის მოთხოვნებთან მაქსიმალურ შესაბამისობას. პირველ ეტაპზე კლიენტები გადიან დეტალურ კონსულტაციას, სადაც ზუსტდება შეკვეთის ყველა ნიუანსი, მათ შორის სამომავლო პროდუქტის კონცეფცია და დიზაინის ელემენტები. ამის შემდეგ, პროფესიონალთა გუნდი ეხმარება დამკვეთს ოპტიმალური მასალების შერჩევაში – ამ ეტაპზე ირჩევა რა ქაღალდის ტიპი, გრამაჟი, ფერადოვნება, თუ აკინძვის მეთოდი იქნება ყველაზე შესაფერისი პროექტისთვის. მასალების შერჩევისას გათვალისწინებულია როგორც ესთეტიკური, ასევე ფუნქციონალური მხარეები, რათა საბოლოო პროდუქტი იყოს არა უბრალოდ გამძლე, არამედ ვიზუალურად მიმზიდველი. დიზაინის საბოლოო დამტკიცების შემდეგ იწყება უშუალოდ ბეჭდვის პროცესი. ტირაჟისა და პროექტის სპეციფიკიდან გამომდინარე, გამოიყენება ოფსეტური ან ციფრული ბეჭდვის თანამედროვე ტექნოლოგიები, რაც საუკეთესო შედეგის გარანტიას იძლევა. სეზანში წიგნების ბეჭდვა ევროპული სტანდარტების სრული დაცვით მიმდინარეობს.
ბეჭდვის დასრულების შემდეგ, პროდუქტი გადის ხარისხის მკაცრ კონტროლს. ეს ეტაპი უზრუნველყოფს, პროდუქცია სრულად შეესაბამებოდეს დამკვეთის მოთხოვნებსა და დადგენილ სტანდარტებს. საბოლოოდ, ხდება აკინძვა, საჭიროების შემთხვევაში დამატებითი დამუშავება (მაგალითად, ლამინირება, ნაწილობრივი ლაკირება) და მზა პროდუქციის მიწოდება.
კომპანია ასევე აქტიურად მუშაობს სხვადასხვა ტიპის ბეჭდურ პროდუქციაზე. იქნება ეს ბლოკნოტების დამზადება, ჟურნალების ბეჭდვა, პერიოდული გამოცემების მომზადება, თუ სხვა პოლიგრაფიული ნაწარმი, ხარისხი ყოველთვის უპირატესია.
სტამბა ასევე გრძელვადიანად თანამშრომლობს კორპორატიულ კლიენტებთან, ამიტომ დიდი გამოცდილება აქვს დაგროვილი პროდუქციისა და მომსახურების ეფექტური წარდგენისთვის საჭირო სპეციფიკური პროდუქციის ბეჭდვაშიც. თუ თქვენი ბიზნესისთვის გჭირდებათ კატალოგების ბეჭდვა ან სხვადასხვა სახის სარეკლამო და კორპორატიული მასალების (ფლაერები, ბროშურები, სავიზიტო ბარათები, პოსტერები და ა.შ.) “სეზანი” არა მხოლოდ დაგეხმარებათ თქვენი ხედვის რეალობად ქცევაში, არამედ მოგაწვდით ექსპერტულ რეკომენდაციებსაც საუკეთესო ეფექტისთვის.
თუ თქვენ ეძებთ საიმედო პარტნიორს თქვენი ბეჭდური პროექტებისთვის, “სეზანი” მზადაა შემოგთავაზოთ საუკეთესო პირობები და უმაღლესი ხარისხი. მიიღეთ სრული პოლიგრაფიული მომსახურება, დაუკავშირდით სტამბას, მიიღეთ პერსონალიზებული შეთავაზება და ანდეთ თქვენი იდეები პროფესიონალებს.
