“უკრაინამ საქართველოსთან საბორნე მიმოსვლა განაახლა”, – ამის შესახებ ინფორმაციას Interfax-Ukraine ავრცელებს.
“ორი ნაოსნობა 18 და 26 მარტს ჩორნომორსკიდან ბათუმში დასრულდა. მესამე მოგზაურობა მომავალ კვირას იგეგმება”, – თქვა ტიმოფი მურახოვსკიმ, უკრაინის სარკინიგზო ოპერატორის JSC Ukrzaliznytsia-ს კომერციულმა და ლოგისტიკის დირექტორმა.
მურახოვსკის თქმით, პროექტში მონაწილეობას იღებს გადამზიდავი კომპანია Ukrferry (ოდესა) და UZ Cargo Poland (ვარშავა), რომელიც Ukrzaliznytsia-ს შვილობილი კომპანიაა.
როგორც ცნობილია, საზღვაო კავშირები უკრაინასა და საქართველოს შორის 2022 წლის თებერვალში რუსეთის სრულმასშტაბიანი შემოჭრის დაწყების შემდეგ შეჩერდა. Ukrferry-მ თავდაპირველად გამოაცხადა ჩორნომორსკი-ბათუმის საბორნე მარშრუტის განახლება 2024 წლის 9 ივლისს, მაგრამ გაშვება გადაიდო 2025 წლის მარტამდე.
