უკრაინა მსოფლიო ბანკთან მილიარდი დოლარის მოცულობის სესხზე მოლაპარაკებებს აწარმოებს. Development Policy Operation-ის სესხი რეფორმებსა და ბიუჯეტის ხარჯების დაფარვას მოხმარდება.
2-6 ივნისის ჩათვლით, პროგრამის პირობებზე შესათანხმებლად მსოფლიო ბანკის ექსპერტები უკრაინის მთავრობის წარმომადგენლებს შეხვდებიან.
“ვაგრძელებთ ერთობლივ მუშაობას ახალი Development Policy Operation-ის შეთანხმებაზე, რომელიც არა მხოლოდ დაეხმარება სახელმწიფო ბიუჯეტის მხარდასაჭერად საჭირო რესურსების მოზიდვას, არამედ ხელს შეუწყობს ეკონომიკის აღდგენასა და განვითარებას,“ – განაცხადა უკრაინის ფინანსთა მინისტრის მოადგილემ ოლგა ზიკოვმა.
შარშან უკრაინამ მსგავსი პროგრამის ფარგლებში, მსოფლიო ბანკისგან დაახლოებით 3.5 მილიარდი დოლარის მოცულობის სესხი მიიღო, რაც საგადასახადო რეფორმაზე, საბანკო და ენერგეტიკის სექტორის განვითარებაზე დაიხარჯა.
