ყველა მათგანი გუნდში რჩება. პოზიციები ჯერ არ ვიცით – ასე უპასუხეს bm.ge-ის მთავრობის ადმინისტრაციაში კითხვაზე, რატომ ჩაანაცვლა ირაკლი კობახიძემ 5 რეგიონის რწმუნებული.
საქმე ის არის, რომ „ქართული ოცნების“ მთავრობის პრემიერ-მინისტრმა ირაკლი კობახიძემ დღეს ხუთი ახალი რწმუნებული დანიშნა. რწმუნებულები შეიცვალნენ მცხეთა-მთიანეთის, შიდა ქართლის, სამცხე-ჯავახეთის, გურიისა და ქვემო ქართლის რეგიონებში.
- მცხეთა-მთიანეთში დავით ნოზაძე ალექსანდრე ზაგაშვილმა შეცვალა;
- შიდა ქართლში – ლევან ხარაბაძე სიმონ გულედანმა;
- სამცხე-ჯავახეთში – ბესიკ ამირანაშვილი ზაალ გელაშვილმა;
- გურიაში – გიორგი ურუშაძე გიორგი ღურჯუმელიძემ;
- ქვემო ქართლში – გიორგი დოხტურიშვილი ლევან ხარაბაძემ.
ახლად დანიშნულ სახელმწიფო რწმუნებულებს ირაკლი კობახიძე დღეს მთავრობის ადმინისტრაციაში “ოცნების” მთავრობის რეგიონული განვითარების მინისტრ კახა გულედანთან ერთად შეხვდა.
