შეტყობინების აპლიკაციები, რომლებსაც ყველაზე მეტი მომხმარებელი ჰყავთ

eMarketer-ის ინფორმაციით, სხვადასხვა მესინჯერ აპლიკაციას აქტიურად 3 მილიარდი ადამიანი იყენებს, მიმდინარე წელს კი ამ რიცხვის 500 მილიონით ზრდაა მოსალოდნელი.

შეტყობინებების აპლიკაცია, რომელსაც ყოველთვიურად ყველაზე მეტი აქტიური მომხმარებელი ჰყავს, Whatsapp-ია, რომელსაც პლანეტის მოსახლეობის 24.7% იყენებს. ის არა მხოლოდ ყველაზე პოპულარული მესინჯერია, არამედ რიგით მეორე ყველაზე პოპულარული სოციალური ქსელიც – Instagram-ის შემდეგ. აპლიკაციას დაახლოებით 3 მილიარდი უნიკალური მომხმარებელი ჰყავს, ყოველ თვე აქტიური “იუსერების” რაოდენობა კი 2 მილიარდია. აპლიკაციით ყოველთვიურად მილიარდზე მეტი შეტყობინება იგზავნება. ამასთან, WhatsApp-ის მომხმარებელთა რაოდენობა თითქმის 600 მილიონით აღემატება რიგით მეორე ყველაზე პოპულარულ მესინჯერს.

ყველაზე პოპულარული მესინჯერები – აქტიური მომხმარებლების მიხედვით

1. WhatsApp – 2 მლრდ
2. WeChat – 1.34 მლრდ
3. Facebook Messenger – 1.01 მლრდ
4. Telegram – 900 მლნ
5. Snapchat – 800 მლნ
6. QQ – 554 მლნ
7. Discord – 200 მლნ

თუ აპლიკაციების პოპულარობას გადმოწერების მიხედვით შევაფასებთ, აქ სურათი ოდნავ განსხვავებულია, WhatsApp-ი კი მეორე პოზიციაზე ინაცვლებს. ყოველთვიურად ყველაზე მეტი – 50 მილიონი მომხმარებელი – Telegram-ის აპლიკაციას იწერს.

ყველაზე პოპულარული მესინჯერები – ყოველთვიური გადმოწერების მიხედვით

1. Telegram – 48.36 მლნ
2. WhatsApp – 46.38 მლნ
3. Facebook Messenger – 25.96 მლნ
4. Snapchat – 25.41 მლნ
5. WhatsApp Business – 23.67 მლნ
6. WeChat – 5.56 მლნ
7. QQ – 3.05 მლნ
8. Signal – 2.68 მლნ
9. LINE – 2.64 მლნ
10. Viber – 2.28 მლნ

ხოლო თუ შევაფასებთ ამ მესინჯერების შემოსავალს, აპლიკაციაში შესრულებული გადახდების მიხედვით, ამ შემთხვევაში Snapchat-ი ლიდერობს, რომლის მომხმარებლებიც ყოველთვიურად თითქმის $25 მილიონ დოლარს ხარჯავენ და ისეთ პროდუქტებზე აქვთ წვდომა, როგორებიცაა ჩატის ფონური ფოტოები, აპლიკაციის პერსონალიზებული დიზაინი, განსხვავებული ლოგო აპლიკაციაზე და ა.შ.

TOP 10 მესინჯერი, აპლიკაციაში შესრულებული გადახდების მიხედვით

1. Snapchat – $24.77 მლნ
2. Line – $12.92 მლნ
3. Telegram – $8.08 მლნ
4. WeChat – $6.97 მლნ
5. QQ – $4.51 მლნ
6. KakaoTalk – $3.71 მლნ
7. Skype – $3.56 მლნ
8. Text Me – $2.35 მლნ
9. Text Now – $2.16 მლნ
10. Marco Polo – $1.31 მლნ