სომხეთის პრემიერ-მინისტრი ნიკოლ ფაშინიანი 20 ივნისს სამუშაო ვიზიტით თურქეთს ეწვევა. ინფორმაციას თურქული მედია თურქეთის პრეზიდენტის ადმინისტრაციის კომუნიკაციიების მიმართულების ხელმძღვანელის განცხადებაზე დაყრდნობით ავრცელებს.
ადმინისტრაციის წარმომადგენლის განცხადებაში, რომელიც სოციალური ქსელებით გავრცელდა, ნათქვამია: „სომხეთის პრემიერ-მინისტრი ნიკოლ ფაშინიანი, 20 ივნისს სამუშაო ვიზიტით თურქეთს ეწვევა. ვიზიტის ფარგლებში პრეზიდენტი რეჯეფ თაიფ ერდოღანი პრემიერ-მინისტრს ფაშინიანს მიიღებს“.
მედია წერს, რომ ამ ინფორმაციიდან გამომდინარე შეხვედრა სტამბოლში გაიმართება.
