როგორც მან „იმედის“ ეთერში განაცხადა, „საქართველო არ არის განსაკუთრებული მნიშვნელობის ეკონომიკის მქონე ქვეყანა, თუმცა უნდა მოვძებნოთ ის საერთო ინტერესები, რაც შეიძლება გვქონდეს აშშ-სთან, რომ საქმეზე დაფუძნებული ურთიერთობები გავაგრძელოთ“.
„არსებობს მოლოდინი, რომ აშშ-სთან ურთიერთობების გადატვირთვის შესაძლებლობა მოგვეცემა, რაც იმ ფასეულობით მსგავსებებს ეფუძნება, რაც არსებობს ახალ ადმინისტრაციასა და საქართველოს ხელისუფლების პოლიტიკას შორის. სერიოზული საფუძველი არსებობს, რომ ამის მოლოდინი გვქონდეს.
კარგად გვესმის, რომ საკითხების პრიორიტეტულობა სხვადასხვა ზომით განისაზღვრება და ვხედავთ, რა მნიშვნელოვანი საკითხები დგას დღეს აშშ-ის ახალი ადმინისტრაციის დღის წესრიგის სათავეში, თუმცა მოველით, რომ გარკვეულ ეტაპზე საქართველოსთან ურთიერთობებზე ფოკუსირებაც მოხდება.
საქართველო არ არის განსაკუთრებული მნიშვნელობის ეკონომიკის მქონე ქვეყანა, თუმცა უნდა მოვძებნოთ ის საერთო ინტერესები, რაც შეიძლება გვქონდეს აშშ-სთან, რომ საქმეზე დაფუძნებული ურთიერთობები გავაგრძელოთ“, – განაცხადა მან.
