კომუნიკაციების კომისიის 2024 წლის ანგარიშის მიხედვით, 2023 წელთან შედარებით, მობილური ოპერატორებისთვის საცალო მომსახურებებიდან მიღებული შემოსავალი 77 მლნ ლარით 865 მლნ ლარამდე გაიზარდა.
შემოსავლების 47% „მაგთიკომზე“, 35% – „სილქნეტზე“, 17% – „სელფი მობაილზე“ და 0.2% – „ჰალოზე“ მოდიოდა.
- „მაგთიკომმა“ გასულ წელთან შედარებით, მობილური მომსახურებებიდან 25 მილიონი ლარით მეტი ჯამში 410 მილიონი ლარი მიიღო;
- „სილქნეტისთვის“ შემოსავალი 30 მილიონით გაიზარდა და 305 მილიონი ლარი შეადგინა;
- „სელფი მობაილის“ შემოსავალი 2023 წელთან შედარებით, 22 მილიონით გაიზარდა და 149 ლარი შეადგინა.
- „ჰალოსთვის“ შემოსავალი 630 ათასით გაიზარდა და 2 მილიონ ლარს მიაღწია.
2024 წლის მონაცემების მიხედვით, თვის განმავლობაში 1 აბონენტისგან მიღებული საშუალო შემოსავალი (ARPU) წლიურად 3%-ით გაიზარდა და 13.2 ლარი შეადგინა.
ოპერატორების ჭრილში კი, გასულ წელს „მაგთიკომისთვის“ ARPU-ს მაჩვენებელი 0.4 ლარით გაიზარდა და 15 ლარი შეადგინა. „სილქნეტის“ აბონენტებისთვის ეს მაჩვენებელი 0.1 ლარით გაიზარდა და 13.4 ლარი შეადგინა. „სელფი მობილის“ შემთხვევაში კი ARPU-მ 0.9 ლარით მოიმატა და სულ 9.8 ლარი გახდა. რაც შეეხება „ჰალოს“, აღნიშნულმა მაჩვენებელმა 0.5 ლარით დაიკლო და 8 ლარი შეადგინა.
