ღვინის გლობალური მოხმარება 2018 წლიდან კლების სტაბილურ ტენდენციას ინარჩუნებს, რასაც რამდენიმე ფაქტორი უწყობს ხელს. მათ შორისაა 2022 წელს რუსეთ-უკრაინის ომის დაწყების შემდეგ მიწოდების ჯაჭვების დარღვევა, ენერგეტიკული კრიზისები, ეკონომიკური რყევები და სხვა. საერთო მოხმარებაზე მნიშვნელოვანი გავლენა მოახდინა ჩინეთში ღვინოზე მოთხოვნის შემცირებასაც – ქვეყნის მოხმარება 2018 წლიდან დღემდე წლიურად, საშუალოდ, 2 mhl-ით იკლებს.
რომელ ქვეყანაში სვამენ ყველაზე მეტ ღვინოს? – 2024
- აშშ – 33.3 mhl
- საფრანგეთი – 23 mhl
- იტალია – 22.3 mhl
- გერმანია – 17.8 mhl
- გაერთიანებული სამეფო – 12.6 mhl
- ესპანეთი – 9.6 mhl
- რუსეთი – 8.1 mhl
- არგენტინა – 7.7 mhl
- პორტუგალია – 5.6 mhl
- ჩინეთი – 5.5 mhl
ამ რეიტინგში საქართველო, სადაც გასულ წელს თითქმის 1.19 mhl (120 მლნ ლიტრი) ღვინო აწარმოვეს, 29-ე ადგილზეა.
რეიტინგი იცვლება, თუ ღვინის მოხმარებას ერთ სულ მოსახლეზე შევაფასებთ. ამ შემთხვევაში, OIV-ის ინფორმაციით, პორტუგალია ლიდერობს. ორგანიზაცია არ აქვეყნებს შესაბამისს რეიტინგს, თუმცა, მოცემული ანგარიშიდან ჩანს, რომ 15+ ასაკის მოსახლეობაში ღვინის სმის კომპონენტით საქართველო მეოთხე ადგილს იკავებს.
- პორტუგალია – 61.1 ლიტრი
- იტალია – 42.7 ლიტრი
- საფრანგეთი – 41.5 ლიტრი
- საქართველო – 39.9 ლიტრი
- შვეიცარია – 29.7 ლიტრი
- ავსტრია – 28.6 ლიტრი
- ავსტრალია – 24.5 ლიტრი
- გერმანია – 24.5 ლიტრი
- უნგრეთი – 24.4 ლიტრი
- ესპანეთი – 23.8 ლიტრი
