მაგალითად, ბრიტანულმა Jaguar Land Rover-მა დღეს განაცხადა, რომ ამ თვეში „შეაჩერებს“ მიწოდებას აშშ-ში და დაფიქრდება, თუ როგორ უპასუხებს ტრამპის ტარიფების „ახალ სავაჭრო პირობებს“.
პარალელურად, კიდევ ერთმა ავტომწარმოებელმა Stellantis-მა, რომელიც მულტინაციონალური ავტომწარმოებელია და 2021 წელს იტალიურ-ამერიკული კონგლომერატ Fiat Chrysler Automobiles-ისა და ფრანგული PSA Group-ის გაერთიანებით შეიქმნა, განაცხადა, რომ მომავალ კვირას ახალი ტარიფების გამო, დროებით დახურავს თავის ქარხანას ვინდსორში, რომელიც კანადა-აშშ-ს საზღვარზე მდებარეობს.
ამის საპირისპიროდ, მაგალითად, იაპონური Nissan-ი განიხილავს თავისი წარმოების ნაწილის შეერთებულ შტატებში გადატანას, გავრცელებული ინფორმაციით, ავტომწარმოებელი ტენესის ქარხანაში ოპერაციების შემცირების გეგმების შეცვლასაც აპირებს.
ცნობისთვის, აშშ-ში ავტოიმპორტზე ახალი ტარიფები 2 აპრილიდან შევიდა ძალაში. როგორც თეთრი სახლის ლიდერი აცხადებს, აღნიშნული ზომები ქვეყანაში ავტოინდუსტრიის “წარმოუდგენელ ზრდას” შეუწყობს ხელს, რაც სამუშაო ადგილების და აშშ-ში შემომავალი ინვესტიციების მატებას გამოიწვევს.
ამის საპირისპიროდ, ანალიტიკოსები ფიქრობენ, რომ ეს ნაბიჯი ამერიკაში ავტოწარმოების დროებით შეჩერებას, ფასების გაზრდას და მოკავშირეებთან კავშირების დაძაბვას.
აღსანიშნავია, ავტომობილების რეალიზაციის ნახევარი აშშ-ში იმპორტზე მოდის. გასულ წელს, აშშ-ში 8 მლნ ავტომობილის იმპორტი დაფიქსირდა, რაც თანხაში 240 მლრდ დოლარით გამოიხატება.
