უკრაინაში საარტილერიო ჭურვების ქარხნის გახსსნა ქვეყნის პრეზიდენტის, ვოლოდიმირ ზელენსკის მოწოდებას უკავშირდება, რომლის თქმით, უკრაინას წელიწადში 1.5 მილიონი ჭურვი სჭირდება. დღეს, Rheinmetall-ის საწარმოებში ჯამში 750,000 ჭურვის დამზადებაა შესაძლებელი, ანუ კომპანიის გერმანული ქარხანა, გარკვეულწილად, რეგიონულ ფუნქციებს შეითავსებს, ანუ იქ წარმოებული იარაღი სხვა ქვეყნებშიც გაიგზავნება, მათ შორის გერმანიაში. წარმოების გაზრდა Rheinmetall-ის სხვა ქარხნებშიც იგეგმება.
შეგახსენებთ, რომ ქარხნის აშენების თაობაზე მოთხოვნა Rheinmetall-მა უკრაინისგან გასული წლის ივლისში მიიღო, მანამდე კი გერმანულ კონგლომერატს და სამხედრო შეიარაღების სახელმწიფო კომპანიას შორის ერთობლივი საწარმო დაფუძნდა. უკრაინის გარდა, Rheinmetall-ის საწარმოები ათ ქვეყანაში შენდება, მათ შორის რუმინეთში, უნგრეთში და ლიტვაში. Rheinmetall-ის საბაზრო კაპიტალიზაცია $72.4 მილიარდია, ხოლო შარშან კომპანიამ $10.5 მილიარდის შემოსავალი მიიღო.
