ჩინეთი და ევროპარლამენტი ორმხრივ კონტრაქტებზე დაწესებული შეზღუდვების ყოვლისმომცველად გაუქმებაზე ერთობლივად შეთანხმდნენ – ამის შესახებ ჩინური მედია ქვეყნის საგარეო საქმეთა მინისტრის წარმომადგენელზე დაყრდნობით წერს.
როგორც ლი ჟანმა აღნიშნა, გასული წლების განმავლობაში ჩინეთისა და ევროკავშირის საკანონმდებლო ორგანოებს შორის გაცვლა “ყველასათვის ნაცნობი მიზეზის” გამო, გარკვეულ წინააღმდეგობებს აწყდებოდა. მისივე თქმით, არსებული ვითარების ფონზე, ორივე მხარისთვის მნიშვნელოვანია, რომ ჩინეთსა და ევროკავშირს შორის გაძლიერდეს დიალოგი და თანამშრომლობა.
“გვჯერა და მოველით, რომ ჩინეთისა და ევროკავშირის ორ საკანონმდებლო ორგანოს შორის კავშირი სრულად აღდგება, ორი მხარე გააღრმავებს კომუნიკაციასა და ურთიერთგაგებას, რაც ახალ იმპულსად გადაიქცევა ჩინეთ-ევროპის ურთიერთობის მდგრადი, ჯანსაღი და სტაბილური განვითარებისთვის”, – განაცხადა მინისტრის წარმომადგენელმა.
