მექსიკის საზღვაო ძალებმა სოციალური მედიის მეშვეობით განაცხადეს, რომ გემზე 22 ადამიანი დაშავდა, რომელთაგან 19-მა ადგილობრივ საავადმყოფოებში მიიღეს სამედიცინო დახმარება. სამი მათგანი მძიმე მდგომარეობაში იყო. ოფიციალური ცნობით, დაშავებულთაგან არცერთი არ ჩავარდნილა წყალში.
ნიუ იორკის პოლიციის უფროსმა აღნიშნა, რომ შეჯახება, სავარაუდოდ, „მექანიკურმა პრობლემებმა“ და ენერგიის გათიშვამ გამოიწვია. მექსიკის სამხედრო-საზღვაო ძალების ცნობით, გემის სიგრძე 297 ფუტია, ხოლო სიგანე – 40 ფუტი. ის პირველად ზღვაში 1982 წელს გავიდა. ყოველ წელს, სამხედრო-საზღვაო სასწავლებელში სწავლის დასრულების შემდეგ გემი გადის ზღვაში კადეტების წვრთნის დასასრულებლად. წელს ის მექსიკის პორტ აკაპულკოდან 6 აპრილს გავიდა, 277 ადამიანით ბორტზე. მისი საბოლოო დანიშნულების ადგილი ისლანდია უნდა ყოფილიყო.
