“ვეთანხმები, რომ საქართველოს მთავრობა NGO-ს თუ აფინანსებს ის საქართველოს მთავრობის გავლენის ქვეშ ექცევა”, – ამის შესახებ “რუსთავი 2-ის ეთერში “ოცნების” პრემიერ მინისტრმა ირაკლი კობახიძემ განაცხადა.
მისი თქმით, იგივე ლოგიკა მუშაობს უცხოეთიდან NGO-ს დაფინანსებაზეც, რის აღმოფხვრასაც ემსახურება NGO-ების დაფინანსებასთან დაკავშირებით მიღებული კანონი.
“ვეთანხმები, რომ საქართველოს მთავრობა “ენჯეოებს” თუ აფინანსებს ის საქართველოს მთავრობის გავლენის ქვეშ ექცევა. გვეუბნებიან, რომ საქართველოს მთავრობა თუ “ენჯეოს” დააფინანსებს მთავრობის ინტერესებს გაატარებს და ეს ასეა და თუ შვედეთის და გერმანიის მთავრობა დააფინანსებს “ენჯეოს” ის არ გაატარებს შვედეთის და გერმანიის ინტერესებს – აქ სად არის ლოგიკა?
თუ რაიმეს იცავს ეს კანონი რომელიც მივიღეთ “ენჯეოების” დაფინანსებასთან დაკავშირებით. ეს იცავს ქართლი საზოგადოების ინტერესებს”, – განაცხადა ირაკლი კობახიძემ.
