ახალი ამბების სააგენტო
ახალციხეში, 50 წლამდე კაცი ცივი იარაღით დაჭრეს. დაშავებული ახალციხის რეფერალურ ჰოსპიტალშია გადაყვანილი. მამაკაცს დაზიანება მუცლის არეში აქვს მიყენებული. კლინიკის ინფორმაციით, პაციენტის სიცოცხლეს საფრთხე არ ემუქრება. ინფორმაციას, რეგიონალური მედია ,,სამხრეთის კარიბჭე“ ავრცელებს
მარნეულში, ერთ-ერთ კომპანიაში დასაქმებული ორი ადამიანი წყლისა და საკანალიზაციო სისტემის მონტაჟისას გათხრილ ორმოში ჩავარდა. ინფორმაციას ადგილობრივი მედია ავრცელებს. ინციდენტის შედეგად ერთი პირი ადგილზე გარდაიცვალა, მეორე კი სხეულის სხვადასხვა დაზიანებით კლინიკაში გადაიყვანეს. არსებული ინფორმაციით, ორივე მათგანი ჯანდარის დასახლების მცხოვრებია. როგორც „პრაიმტაიმს“ შსს-ში განუცხადეს, გამოძიება სსკ-ის 240 პრიმა მუხლით დაიწყო, რაც ობიექტზე უსაფრთხოების წესების დარღვევას გულისხმობს.
მექსიკაში, კალიფორნიის ყურეში, ქალაქ პუერტო პენასკოს მახლობლად, მასიური წყლის ტორნადო დააფიქსირეს. წყლის ტორნადო ტენიანი ჰაერის მბრუნავი სვეტია, რომელიც თბილ წყლის ზედაპირზე იქმნება. ის ჩვეულებრივ ტორნადოს გაქვს, თუმცა მისი სხეული წყლისგან შედგება.
ქუთაისში, მდინარე რიონში 19 წლის გოგოს ეძებენ. ინფორმაციას „ინფო იმერეთი“ ავრცელებს. ადგილზე მობილიზებული არიან საგანგებო სიტუაციების მართვის სამსახურის თანამშრომლები. მიმდინარეობს სამძებრო-სამაშველო ოპერაცია.
გორში, ვერხვების დასახლებაში საცხოვრებელ კორპუსში ხანძარი გაჩნდა. „მოზაიკას“ ინფორმაციით, ცეცხლი სუხიშვილის ქუჩაზე მდებარე ერთ-ერთი კორპუსი მე-3 სართულზეა. ადგილზე სახანძრო-სამაშველო ჯგუფები მუშაობს, მიმდინარეობს ცეცხლის ქრობის პროცესი.
თბილისში, ვაგზლის ბაზრობის ტერიტორიაზე ძლიერი ხანძარი ლიკვიდირებულია. დახლოებით 14 ათას კვადრატულ მეტრზეა დამწვარი შერეული ბაზრობის ტერიტორია. დამწვარია რამდენიმე მაღაზია. არსებული ინფორმაციით, ხანძარი „ბორჯომის ვაგზლის“ ტერიტორიაზე დილის 06:30 საათზე გაჩნდა, სადაც ტანსაცმლის, ხილ-ბოსტნეულის და სხვადასხვა სასაწყობე ფართებია. ადგილზე სამაშველო ბრიგადები მუშაობენ. არსებული ინფორმაციით, ხანძრის შედეგად არავინ დაშავებულა. ხანძრის გამო ბაზართან ახლოს მდებარე კლინიკებიდან პაციენტების ევაკუაციაც განხორციელდა.
ავარია ქობულეთი-ბათუმის შემოვლით გზაზე მსხვერპლით დასრულდა. თვითმხილველების თქმით, ერთმანეთს ორი მსუბუქი ავტომობილი შეეჯახა, რის შედეგადაც ერთი ადგილზე გარდაიცვალა, მეორე ადამიანი კი კლინიკაში შეყვანისას. გამოძიება სსკ 276-ე მუხლით დაიწყო, რაც საგზაო უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
მატარებელს ხაშურთან ცეცხლი გაუჩნდა – მიმდინარეობს ხალხის ევაკუაცია. გავრცელებულ კადრებში ჩანს, რომ ადგილზე ძლიერი დაკვამლიანებაა. “პრაიმტაიმს” საქართველოს რკინიგზაში განუცხადეს, რომ ადგილზე მიდიან და დეტალებს მალე შემოგთავაზებთ. ფოტო:ტვ პირველი
იტალიაში, სამგზავრო მატარებლის დაჯახებას საქართველოს მოქალაქე ემსხვერპლა. დაღუპულია 25 წლის კაცი, რომელიც წარმოშობით ოკუპირებული გალიდან იყო. იტალიური მედიის ცნობით, შემთხვევა 5 აპრილს, რომი-პიზას სარკინიგზო ხაზზე მოხდა. მომხდარზე დამატებითი დეტალები უცნობია. ფაქტზე დაწყებულია გამოძიება.
Australia’s Next Top Model-ის ვარსკვლავი ლუსი მარკოვიჩი 27 წლის ასაკში გარდაიცვალა. „სამოდელო ბიზნესი ლუსის ოცნება იყო და ჩვენ ვამაყობთ, რომ ამ მოგზაურობაში მასთან ერთად ვიყავით“, – ნათქვამია სამოდელო სააგენტო Elite Model Management-ის მიერ გავრცელებულ ინფორმაციაში. ოთხი წლის წინ მოდელს ექიმებმა არტერიოვენური მალფორმაციის (არტერიებისა და ვენების პათოლოგიური კავშირი, რომლის გამოც სისხლის ნორმალური მოძრაობა და ჟანგბადის ცირკულაცია