ახალი ამბების სააგენტო
დონალდ ტრამპი იმედოვნებს, რომ რუსეთი და უკრაინა შეთანხმების მიღწევას მიმდინარე კვირაში შეძლებენ. „იმედია, რუსეთი და უკრაინა შეთანხმებას ამ კვირაში მიაღწევენ. შემდეგ ორივე დაიწყებს დიდ ბიზნესს ამერიკის შეერთებულ შტატებთან და გამდიდრდებიან”, – დაწერა აშშ-ის პრეზიდენტმა თავის სოციალურ პლატფორმა Truth Social-ზე.
დონალდ ტრამპი აშშ-ის ფედერალური რეზერვის მუშაობით უკმაყოფილოა და უწყების ხელმძღვანელის, ჯერომ პაუელის გადადგომას ითხოვს. ამერიკის შეერთებული შტატების პრეზიდენტის განცხადებით, ქვეყნის ცენტრალური ბანკი შენელებულად და დაგვიანებით მოქმედებს, რადგან რეფინანსირების განაკვეთს არ ამცირებს და თუ მონეტარული პოლიტიკის შერბილება არ დაიწყო, დონალდ ტრამპი ჯერომ პაუელს თანამდებობიდან გადააყენებს. შეუძლია თუ არა ეს პრეზიდენტს, საკამათოა, რადგან ამ მიმართულებით პაუელს აშშ-ის
როდ-აილენდის საოლქო სასამართლომ დაბლოკა ტრამპის ადმინისტრაციის გადაწყვეტილება, გაეყინა მილიარდობით დოლარის ოდენობის გრანტები კლიმატთან დაკავშირებული პროექტებისთვის, რადგან გრანტის გაცემას, ბაიდენის პრეზიდენტობის დროს, კონგრესმა დაუჭირა მხარი. მოსამართლე მერი მაკელროიმ გამოსცა ბრძანება გარემოს დამცველი ჯგუფების სარჩელის საპასუხოდ, რომელშიც განმარტებული იყო, რომ ტრამპის ადმინისტრაცია უკანონოდ ყინავდა უკვე გაცემულ გრანტებს, რომლებიც კლიმატის ცვლილებასთან ბრძოლას, დაბინძურების შემცირებასა და აშშ-ის ინფრასტრუქტურის მოდერნიზებას
ჟურნალ TIME-მა ყველაზე გავლენიანი ადამიანების ყოველწლიური სია განაახლა. ჩამონათვალი, რომელშიც 100 ადამიანი ხვდება, იმათ აერთიანებს, რომლებიც გლობალურ წესრიგს ამკვიდრებენ და მის მომავალს განსაზღვრავენ. TIME 100-ში ხვდებიან როგორც პოლიტიკური ლიდერები, ასევე სპორტსმენები, არტისტები და ბიზნესმენები. წარმოდგენილი სექტორები მრავალფეროვანია. 2025 წლის 100 ყველაზე გავლენიან ადამიანებს შორის არიან ტრამპის ადმინისტრაციის 6 წარმომადგენელი, 16 კორპორაციის აღმასრულებელი დირექტორები და ბიზნესლიდერები.
პრეზიდენტ დონალდ ტრამპის განცხადებით, მისი ადმინისტრაციის მიერ გატარებულმა სატარიფო პოლიტიკამ შესანიშნავი შედეგი გამოიღო, რადგან ჩინეთი მოლაპარაკებაზე დათანხმდა და უახლოეს მომავალში აშშ-ის და ჩინეთის მთავრობები ახალ სავაჭრო შეთანხმებას გააფორმებენ. ტრამპის თქმით, სავაჭრო შეთანხმება არსებული ბარიერების შემსუბუქებაზე იქნება ორიენტირებული და ის აშშ-ის ეკონომიკისთვის უდიდესი სარგებლის მომტანი იქნება. კონკრეტულად რას მოიაზრებს შეთანხმება, აშშ-ის პრეზიდენტს არ განუმარტავს, რადგან ეს
აშშ-ის პრეზიდენტ დონალდ ტრამპის მოწონების რეიტინგი აჩვენებს, რას ფიქრობენ ამერიკელები მის საქმიანობაზე. გასულ კვირებში ტრამპის სატარიფო პოლიტიკის გამკაცრებისა და საფონდო ბირჟებზე წარმოქმნილი ქაოსის გამო, ბოლო გამოკითხვები აჩვენებს, რომ აშშ-ის 47-ე პრეზიდენტის რეიტინგი უარესდება. ინაუგურაციიდან ორი თვის განმავლობაში ტრამპის მოწონების რეიტინგი სტაბილურ ნიშნულზე რჩებოდა და, პრეზიდენტობის ორივე ვადის გათვალისწინებით, პერსონალურ რეკორდსაც კი მიაღწია. მესამე თვიდან, როცა
აშშ-უკრაინის შეთანხმება, რომელიც ომის დასრულების წინაპირობას წარმოადგენს, ჯერაც აქტიური განხილვის ფაზაშია და როგორც ამჟამად ირკვევა, პრეზიდენტი დონალდ ტრამპი უკრაინისთვის 200 მილიარდი დოლარის ვალის ჩამოწერას გეგმავს. მედიაში გავრცელებული ინფორმაციით, ამჯერად ვაშინგტონი უკრაინისგან $100 მილიარდის ამოღებას ცდილობს, ნაცვლად წინა თვეს ხსენებული $300 მილიარდისა, ხოლო $500-მილიარდიან ვალზე საუბარი საერთოდ შეჩერებულია. უნდა აღინიშნოს, რომ $100 მილიარდი თითქმის ზუსტად ემთხვევა
იტალიის პრემიერ-მინისტრი ჯორჯია მალონი აშშ-ის პრეზიდენტ დონალდ ტრამპს თეთრ სახლში შეხვდა. ორმხრივი შეხვედრა ოვალურ ოფისში გაიმართა, სადაც ლიდერებმა ჟურნალისტების კითხვებს უპასუხეს. შეხვედრიდან ცნობილი გახდა, რომ ტრამპი აპირებს, “უახლოეს მომავალში” რომს ეწვიოს და ვაშინგტონსა და ბრიუსელს შორის დიალოგი განაახლოს. მელონის განცხადებით, იტალიაში ტრამპის ვიზიტმა, შესაძლოა, ევროკავშირის წარმომადგენლებთან შეხვედრაც მოიცვას. “თუ მელონი პრემიერად დარჩება, იტალიას შეუძლია, ევროკავშირის
“რთული დრო, ახლებურ გადაწყვეტებს მოითხოვს” — ეს ის ძველი სიბრძნეა, რომელსაც პერიოდულად თითოეული ჩვენგანი ვაწყდებით. მსოფლიოში, ეს მიდგომა განსაკუთრებით პოპულარული გახდა ბოლო რამდენიმე კვირაში, უფრო კონკრეტულად კი მას შემდეგ, რაც დონალდ ტრამპმა 180-ზე მეტ ქვეყანას და ტერიტორიას ტარიფები დაუწესა. მოგვიანებით, მართალია, პრეზიდენტმა სიტყვა გადათქვა და საგადასახადო ბარიერების ამოქმედება დროებით დააპაუზა, მაგრამ ჩინეთისთვის ამერიკის შეერთებული შტატებს
აშშ-ის პრეზიდენტი დონალდ ტრამპი ქვეყანაში მყოფ არალეგალ მიგრანტებს ამერიკის ტერიტორიის დასატოვებლად ფინანსურ მხარდაჭერას სთავაზობს. როგორც Reuters-ი წერს, აღნიშნულის შესახებ თეთრი სახლის ლიდერმა სატელევიზიო ეთერში განაცხადა. ტრამპის თქმით, ამოქმედდება “თვით-დეპორტაციის პროგრამა”, რომლის ფარგლებშიც არალეგალებს შესაძლებლობა ექნებათ ამერიკისგან ფინანსური დახმარება მიიღონ ქვეყნის დატოვებისთვის და ასევე პერსპექტივა, რომ მოგვიანებით აშშ-ში შესვლის უფლებას კვლავ მისცემენ, თუ ისინი ლეგალური გზით