3 დაღუპული და ათობით დაშავებული ისრაელში – როგორია უახლესი ცნობები კონფლიქტზე?
პარასკევს, ისრაელის მიერ ირანის ბირთვულ ობიექტებსა და სარაკეტო ბაზებზე განხორციელებული დარტყმების შემდეგ, 14 ივნისის ღამის განმავლობაში მხარეებმა ერთმანეთზე ინტენსიური იერიში მიიტანეს. უცხოური მედიის ცნობით, ირანის მიერ ისრაელზე ბალისტიკური რაკეტებით მიტანილი იერიშის შედეგად 3 ადამიანი დაიღუპა და ათობით დაშავდა. აფეთქებები ისმოდა იერუსალიმსა და თელ-ავივში. ისრაელის თავდაცვის ძალები (IDF) აცხადებენ, რომ ირანში მდებარე სამიზნეებზე საჰაერო დარტყმებს აგრძელებენ.