Tag: კატარი

“კატარმა საჰაერო სივრცე დახურა”, – ამის შესახებ ინფორმაციას სააგენტო Reuters-ი ავრცელებს. კატარის საგარეო საქმეთა სამინისტროს განცხადებით, მიზეზი რეგიონში განვითარებული მოვლენებია, რათა ადგილობრივი მოსახლეობა და ტურისტები უსაფრთხოება უზრუნველყონ. ცნობისთვის, აშშ-ს მიერ ირანის ბირთვულ ობიექტებზე დარტყმების შემდეგ, ირანი აშშ-ს ახლო აღმოსავლეთში მდებარე ბაზებზე იერიშებით დაემუქრა. კატარში ახლო აღმოსავლეთში აშშ-ის უდიდესი სამხედრო ბაზა, ალ-უდეიდას ავიაბაზა მდებარეობს.

სენატში დემოკრატების ლიდერი ჩაკ შუმერი გეგმავს კანონპროექტი შეიტანოს, რომლითაც ამერიკის პრეზიდენტს უცხო ქვეყნის თვითმფრინავის გამოყენებას აუკრძალავს. ამით შუმერი აშშ-ის პრეზიდენტს დონალდ ტრამპს არ მისცემს საშუალებას კატარში ნაჩუქარი 400 მლნ დოლარის ღირებულების თვითმფრინავი გამოიყენოს. „კატარის თვითმფრინავის განახლება მილიარდები დაჯდება და ვერასდროს შეძლებს კატასტროფული რისკების სრულად აღმოფხვრას“, – დაწერა შუმერმა X-ზე. გასულ კვირაში ტრამპი ახლო აღმოსავლეთში იმყოფებოდა.

აშშ-ის პრეზიდენტი დონალდ ტრამპი კატარში ჩავიდა. დოჰას საერთაშორისო აეროპორტში მას კატარის ემირი შეხვდა. ახლო აღმოსავლეთის რეგიონში ოფიციალური ტურნეს ფარგლებში, დოჰა ტრამპის მეორე გაჩერებაა. მანამდე ის საუდის არაბეთში იმყოფებოდა, სადაც მნიშვნელოვანი შეთანხმება გააფორმა იარაღის მიყიდვის შესახებ, რაც მილიარდობით დოლარის ღირებულების კონტრაქტებს ითვალისწინებს. გარდა ამისა, ახლო აღმოსავლეთის რეგიონში ვიზიტისას ტრამპმა განაცხადა, რომ სირიაზე დაწესებულ ეკონომიკურ სანქციებს მოხსნის

არაბული სამყაროს უმდიდრესი სახელმწიფოები, საუდის არაბეთი და კატარი ბოლო ათწლეულის განმავლობაში სამოქალაქო ომში ჩართული სირიის დასახმარებლად ერთიანდებიან. ქვეყნები შეთანხმდნენ, რომ მსოფლიო ბანკის წინაშე სირიის $15-მილიონიან ვალდებულებას გაისტუმრებენ, რითაც ქვეყანას ახალ კრედიტებზე წვდომას გაუხსნიან, რაც ქვეყნის ახლად ჩამოყალიბებულ მთავრობას ინფრასტრუქტურის განვითარების და ეკონომიკური ზრდის დაჩქარების საშუალებას მისცემს. ამგვარად, მსოფლიო ბანკი სირიაში ოპერაციებს თოთხმეტი წლის შემდეგ პირველად