საქართველოში ლურჯი მოცვის მოსავლის აღება აქტიურ ფაზაში გადადის. სექტორის შეფასებით, ინდუსტრიაში რთული წელია. დასავლეთ საქართველოში მოსული დიდთოვლობის, შემდეგ კი საგაზაფხულო ყინვების შემდეგ, მოსავლის დაახლოებით 20% განადგურდა, ახლა კი საექსპორტო ბაზრებზე პროდუქციის გატანის პრობლემებია. საუბარია ისრაელ-ირანის კონფლიქტის გავლენაზე, რამაც კომპანიების ნაწილს ისრაელის ბაზარზე პროდუქციის გატანის შესაძლებლობა გაუქრო, ავიამიმოსვლის შეფერხების გამო კი პრობლემაა არაბთა გაერთიანებულ საამიროებში შეღწევაც.