რა შემოსავალს მიიღებს აშშ-ის მთავრობა ტარიფებით მომდევნო ათ წელიწადში?
სავაჭრო საკითხებში ამერიკის შეერთებული შტატების პრეზიდენტის მრჩევლის, პიტერ ნავაროს განცხადებით, მომდევნო ათწლეულში, დონალდ ტრამპის მიერ შემუშავებული ახალი საგარეო-სავაჭრო პოლიტიკა ქვეყნის ფედერალურ ხელისუფლებას სულ მცირე $6 ტრილიონის შემოსავალს მოუტანს. აღნიშნული განცხადება სიმბოლურია, რადგან პრეზიდენტის მიერ ე.წ. “სავაჭრო ომის” პოლიტიკის სისწორეში ეჭვი სულ უფრო და უფრო მეტ ადამიანს ეპარება, რომლებიც აშშ-ში და მთელ მსოფლიოში ინფლაციის დაჩქარებას პროგნოზირებენ.