რომეო მიქაუტაძის სასამართლო პროცესი დღეს გაიმართება
დღეს, 23 ივნისს, ეკონომიკის მინისტრის ყოფილი პირველი მოადგილის, რომეო მიქაუტაძის სასამართლო პროცესი გაიმართება. სხდომა, სადაც ყოფილი საჯარო მოხელის მიმართ აღკვეთის ღონისძიების შეფარდებაზე იმსჯელებენ, 12:00 საათზე დაიწყება. შეგახსენებთ, საქართველოს პროკურატურამ ეკონომიკისა და მდგრადი განვითარების მინისტრის ყოფილ პირველ მოადგილეს, რომეო მიქაუტაძეს ბრალი სახელმწიფო-პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენების და უკანონო შემოსავლის ლეგალიზაციის ფაქტებზე წარუდგინა.