SIGNAL-იდან გაჟონილი ამბავი, ანუ როგორ გეგმავენ ომს აშშ-ის მთავრობაში?
რა მოხდება, თუ სატელეკომუნიკაციო პლატფორმა Signal-ის გასაიდუმლოებულ ჩატში, ამერიკის შეერთებული შტატების ხელისუფლების მაღალჩინოსნებთან ერთად ავტორიტეტული ამერიკული გამოცემის, The Atlantic-ის მთავარი რედაქტორი, ჯეფრი გოლდბერგი აღმოჩნდება? — ეს არის შეკითხვა, რომელიც, სავარაუდოდ, ამ დრომდე არავის გასჩენია. თუკი შეკითხვა, დიდწილად, არარელევანტური იყო, მასზე პასუხი ახლა უკვე ყველამ იცის. რაც უნდა უცნაურად ჟღერდეს, ვითარება, რომელიც ახლა აღვწერე, მართლაც მოხდა